Rói avloysir Joan í Demokratia

Sólvit E. Nolsø, landsstýrismaður í almannamálum, hevur valt nýtt umboð í Demokratia. 

Tað er Rói B. Poulsen, sum avloysir Joan Samuelsen sum umboð fyri Fólkaflokkin.

At valið fall á ein mann, fylgir ásetingunum í javnstøðulógini um, at allar almennar nevndir, ráð, umboð og líknandi skulu vera sett soleiðis saman, at umleið eins nógvir limir av báðum kynum hava umboðan, skrivar Almannamálaráðið.

Nevndin, sum nú situr, varð mannað 11. mars 2020, og hevur skipað seg við Kristinu Gry Berg sum forkvinnu og Ólavi í Geil sum næstformanni. Hinir limirnir eru Maud Poulsen, Petur Martin Hansen, Andrias Jacobsen, Dorit Hansen, Marna Jakobsen, Helena Fríðheim og Anita Fuglø.

Í nevndini fyri Demokratia sita umboð úr hvørjum flokki á Løgtingi, eitt umboð fyri Kommunufelagið, eitt umboð fyri Kvinnufelagssamskipan Føroya og eitt umboð fyri Javnstøðunevndina.