Drotningin fekk arktiskan píl úr Føroyum

50 plantur av Salix arctica - ella arktiskum píli - var gávan, sum løgmaður handaði Margrethu drotning, nú hon hevur sitið á trónuni í 50 ár.

Tær skulu plantast í Koltri, sum verður Føroya fyrsta stóra náttúrufriðøki og rannsóknarstøð, segði løgmaður, tá hann helt røðu fyri drotningini.

Hoyr Bárð á Steig Nielsen her:

Ætlanin er at pílarnir skulu gróðursetast í 2024, tá endaliga skrásetingin av náttúruni í Koltri er liðug.

Kaj Joensens fekk orðið á Bárð á Steig Nielsen, løgmann, tá hátíðarhaldið var liðugt. 

Sambært løgmanni er tankin við gávuni at endurspegla vaksandi áhugan fyri eini grønari framtíð. Og vónin er, at kongshúsið kann vera við til at planta arktiska pílin í Koltri:
 

Arktiskur pílur, gáva til drotningina

Ein av teimum 50 arktisku pílunum, sum Hennara hátign Drotningin fær í gávu. Pílarnir skulu gróðursetast í Koltri, sum partur av Koltursverkætlannini.Ein av teimum 50 arktisku pílunum, sum Hennara hátign Drotningin fær í gávu. Pílarnir skulu gróðursetast í Koltri, sum partur av Koltursverkætlannini.

Í sambandi við gávuna er eisini gjørd ein heilt serlig heimasíða – á donskum – sum greiðir frá Koltursverkætlanini og gávuna til Drotningina. Heimasíðan er: www.koltursplanen.fo