H-bygningurin fer at kosta 750 mió. kr.

Umleið 750 milliónir krónur.

Tað verður helst endaligi kostnaðurin fyri H-bygningin á Landssjúkrahúsinum, nú arbeiðið er um at verða liðugt.

Ítøkiliga talið er 748 milliónir krónur, og tá eru samanbindingin av bygningum og nýggi kjallarin eisini tikin við í samlaðu upphæddina. 

Tað upplýsir Sigurd Lamhauge, stjóri í Landsverki.

Síðsta hond verður nú løgd á arbeiðið við nýggja H-bygninginum og samanbindingina við B-bygningin. 

Eftir ætlan fer Landssjúkrahúsið at taka fyrsta partin av bygninginum í brúk 22. mars, og bygningarnir endaliga samanbygdir 28. juni. 

Tá er bara kjallarin eftir, sum millum annað skal stórari einari felagsgoymslu og parkering. 

Pengar eru ikki játtaðir til kjallaran enn. Hann er mettur at kosta um 46,2 milliónir krónur. 

Tá játtanin er fingin, verður mett, at tað tekur umleið seks mánaðir at gera arbeiðið liðugt í kjallaranum.