Farmaflutningurin minkar, men postflutningurin stendur í stað

Enn er nakað eftir á mál, áðrenn tølini hjá flogvøllinum koma upp á sama stig sum í 2019, sum var seinasta árið fyri koronu.

Í 2019 vóru 5.649 fráferðir og komur.

Tær vóru 3.748 í fjør og 300 færri í 2020, tá tær vóru 3.448.

Farmurin minkar

Farmaflutningurin við flogfari er næstan farin niður í helvt.

Í 2019 vóru 1228 tons av farmi, tey vóru sløk 680 í fjør og knappliga 673 í 2020.

Men posturin stendur at kalla í stað.

Hann var 248,5 tons í 2019, 241 tons í fjør og 255,2 tons í 2020.

239.000 ferðafólk

Meira enn helvtina færri ferðafólk fóru um flogvøllin í Vágum í fjør enn í 2019.

Í fjør vóru 239.086 ferðafólk, 56,4 prosent færri enn í 2019, tá tey vóru 424.281, sum er met hjá flogvøllinum. 

Men talið í fjør er tó ein triðing størri enn tað var í 2020, tá tað var sløk 180.000 ferðafólk.