Koronutíttleiki: Føroyar eru nummar 11

21.01.2022 - 09:30
AktueltHeilsa
Koronutíttleiki: Føroyar eru nummar 11
Vit eru nummar 135 á listanum yvir deyðstíttleika við 305 fyri hvørja millión, vísa nýggj hagtøl
Danmark er nummar 23 í koronutíttleika við 210.000 tilburðum fyri hvørja millión, men Føroyar liggja nakað hægri við 243.000 fyri hvørja millión.
 

Føroyar eru millum tey lond í heiminum, sum hava flestar koronutilburðir samanborið við fólkatalið.

Føroyar eru nummar 11 á listanum, tá ið ræður um koronutíttleika fyri hvørja millión íbúgvar, sambært yvirlitinum hjá "Worldometer".

"Worldometer" er ein heimasíða við beinleiðis dagføringum av hagtølum av øllum handa slag, og heimasíðan hevur ført hagtøl yvir koronu síðani 2020. 

Sambært yvirlitinum er Danmark nummar 23 í koronutíttleika við 210.000 tilburðum fyri hvørja millión, men Føroyar liggja nakað hægri við 243.000 fyri hvørja millión.

Kortini er deyðstíttleikin, sum hevur samband við koronu, tvær ferðir størri í Danmark enn í Føroyum. 

Føroyar eru nummar 135 á listanum yvir deyðstíttleika við 305 fyri hvørja millión.

Til samanberingar er Danmark nummar 111 við 610 deyðum fyri hvørja millión íbúgvar.

Orsøkin er, at vit megnaðu at halda sjúkuni burtur,  tá eingin verja var fyri covid-10, sigur Pál Weihe, professari í fólkaheilsu.

Hoyr Pál Weihe her:

1503743

Sambært "Worldometer" eru vit tað landið, sum hevur gjørt triðflestar koronukanningar sammett við fólkatalið. Danmark liggur ovast, og hevur sambært yvirlitinum heimsmet í at taka koronuroyndir - í miðal 19 royndir fyri hvønn dana.

Føroyingar liggja nummar trý á listanum við 14 royndum í miðal fyri hvønn íbúgva. 

Føroyar eru tað landið, sum hevur gjørt triðflestar koronukanningar sammett við fólkatalið. (Mynd: Bjarni Árting Rubeksen)

Er kopiera
Nýggjastu sendingar í ÚV
Leygardag 21. mai
Morgunlestur leygardagur 21.mai 2022
139574
Fríggjadag 20. mai
Nón 20. mai 2022
139935
Fríggjadag 20. mai
Vesisex á Gentuvesinum
139930
Fríggjadag 20. mai
Ein granni ger innrás 4:4
139900
Nýggjastu sendingar í SV
Hósdag 19. mai
Sært tú meg 2:3
139885
Mánadag 16. mai
3-2
139731
Sunnudag 15. mai
Andakt við Andriasi Magnussen
139652
Sunnudag 15. mai
Guðstænasta úr Vesturkirkjuni
139650
Leygardag 14. mai
Stóri FM-dagurin
139646