Nú verða koronuátøkini tikin av

21.01.2022 - 11:56
AktueltSamfelag
Nú verða koronuátøkini tikin av
Løgmaður sigur, at nú nærkast ein vanligur gerandisdagur, hóast vit framvegis hava koronu
Løgmaður ger seg til reiðar til tíðindafundin fyrrapartin. Nú verða koronuátøkini tikin av í stigum.
Mynd: Bjarni Árting Rubeksen  
 

Bárður á Steig Nielsen, løgmaður, segði á tíðindafundi fyrrapartin, at nú verða koronutøkini tikin av.

Hetta verður gjørt trimum stigum.

28 februar væntar løgmaður, at allar koronuavmarkingar verða tiknar av, men hetta er treytað av at sjúkrahúsverkið ikki er undir trýsti, og aðrir týdningarmiklir stovnar í samfelagnum hava eitt vanligt virksemi.

Bjarni Árting Rubeksen tók myndirnar.

 

Ætlanin er gjørd í samráð við farsóttarnevndina og heilsumyndugleikan, og hon byggir á hesi stig:

 

Í dag:

  • Savningarmarkið er framvegis 100 fólk, men har umstøðurnar loyva tí, kunnu fleiri enn 100 fólk savnast.
  • Fyrireikarar kunnu venda sær til koronaráðgevingina fyri at fáa nærri vegleiðing. Teldupost: corona@arb.fo
     

1. februar:

  • Náttarlív og matstovur kunnu hava opið sum vant.
  • Sóttarhaldsreglurnar verða linkaðar soleiðis, at fólk sum eru koppsett skulu ikki í sóttarhald, um tey hava havt “tætt samband” við ein smittaðan.
  • Mannagongdin í samband við koronakanningar verður broytt. Tey sum skulu kanna seg fyri korona, gera hetta við eini skundkanning.
  • PCR kanningar skulu 1. februar bert nýtast til:
    • Fólk við sjúkueyðkenni
    • Tøttu kontaktirnar hjá teimum, sum er smittað. Tað vil siga húskið.
    • Fólk sum hava fingið positiva skundkanning.
       

15. februar:

  • Sóttarhaldsreglurnar verða linkaðar soleiðis, at bert tey sum eru smittað, sum skulu í sóttarhald.
    Tað vil siga fólk, sum hava eina positiva skundkanning ella positiva PCR kanning.
     

28. februar:

  • Allar koronaavmarkingar verða tiknar av.
    Hetta er treytað av, at sjúkrahúsverkið ikki er undir trýsti og at aðrir týdningarmiklir stovnar í samfelagnum hava eitt vanligt virksemi.

 

Løgmaður sigur:

“Eg gleðist um, at vit í dag kunnu leggja eina ætlan fram um, hvussu vit taka seinastu stigini móti vanliga gerandisdegnum. Eg veit, at hetta kann tykjast djarvt. Eg eri eisini fullgreiður um, at støðan lættliga kann broytast. Men eg haldi, at tað er týdningarmikið, at fólk vita, at vit ætla okkum aftur til ein vanligan gerandisdag." 

 

Hoyr innslag við Bárði á Steig Nielsen í útvarpstíðindunum her:

1503882

 

Er kopiera
Nýggjastu sendingar í ÚV
Týsdag 5. juli
Pápi mín og eg: Vanja og Victor
141841
Týsdag 5. juli
Summarmorgun 050722
141840
Týsdag 5. juli
Morgunlestur týsdagur 5. juli 2022
141653
Mánadag 4. juli
Summarmorgun 040722
141790
Nýggjastu sendingar í SV
Mánadag 4. juli
3-2
141831
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574
Mánadag 27. juni
3-2
141573