Umboð fyri Taliban í Afganistan til Noregs

21.01.2022 - 15:19
AktueltÚtheimurin
Umboð fyri Taliban í Afganistan til Noregs
Hungursneyð er í landinum, og fíggjarliga er landið um at fara av knóranum
Síðani Taliban tók valdið í landinum, góvust nærum øll lond at veita neyðhjálp til Afganistan.
Mynd: RitzauScanpix  
 

Umboð fyri Taliban, stjórnina í Afganistan, koma nú til Noregs á vitjan.

Anniken Huitfeldt, norskur uttanríkisráðharri, sigur, at neyðugt er at tosa við tey, sum í veruleikanum stjórna landinum. 

Tað er fyrstu ferð, síðani Taliban tók valdið síðsta heyst, at umboð fyri Taliban-stjórnina vitja í einum landi í Vesturheiminum, skrivar NRK.

Vitjanin er komin í lag, eftir at umboð fyri Noreg hava hitt umboð fyri Taliban-stjórnina í Kabul. 

- Støðan er sera trupul í Afganistan. Talan er um eina humanitera kreppu, sum rakar nógvar milliónir av fólki. Fyri at hjálpa vanliga fólkinum í Afganistan, má altjóða samfelagið og vanligi afganarin tosa við Taliban, sigur Anniken Huitfeldt. 

Góvust við neyðhjálp

Síðani Taliban tók valdið í landinum, góvust nærum øll lond at veita neyðhjálp til Afganistan.

Í Afganistan er kríggj, størt fátækradømi og ein av ringastu hungurðsneyðunum í 20 ár. Fíggjarliga er landið um at fara av knóranum. 

Altjóða felagsskapir siga, at meira enn helmingurin av teimum 38 milliónunum, sum býr í landinum, líður hungur í vetur. 

Hava einki at gera í Noregi

Tað eru tó ikki øll í Noregi, sum gleðast um, at umboð fyri Taliban koma til landið.

Christian Tybring-Gjedde, framsøgufólk í uttanríkismálum hjá Framsóknarflokkinum, sigur, at umboð fyri Taliban einki hava at gera í Noregi.

- At samráðast við Taliban er at góðtaka, at tey eru tey røttu fólkini, sum stjórna landinum, eins og í londum, sum hava fólkaræði. Tað eiga vit ikki at gera, sigur Tybring-Gjedde.
 

Er kopiera
Nýggjastu sendingar í ÚV
Leygardag 13. august
Morgunlestur leygardagur 13. august 2022
143011
Fríggjadag 12. august
Morgunlestur fríggjadagur 12. august 2022
143010
Hósdag 11. august
RagnarRokk 11.august 2020
140693
Hósdag 11. august
RagnarRokk: Jon Courtney um Above Sirrus
140690
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750