Forskúli í Eysturskúlanum eftir summarfrítíðina

Forskúli í Eysturskúlanum eftir summarfrítíðina
Málið kemur fyri á býráðsfundi hóskvøldið
Endamálið við at at stovna forskúla í Eysturskúlanum er at bjóða eitt fullfíggjað og samanhangandi innskúlingartilboð frá tí ári, børnini eru 6 ára gomul, til tey eru liðug í 1. flokki, sigur Tórshavnar kommuna.
Mynd: Bjarni Árting Rubeksen  
 
25.01.2022 - 09:29

Ætlanin er at skipa forskúla í Eysturskúlanum í Havn at byrja eftir summarfrítíðina.

Trivnaðarnevndin og mentamálanevndin í kommununi hava einmælt tikið undir við uppskotinum um at skipa forskúla í Eysturskúlanum, og á býráðsfundi hóskvøldið verður málið lagt til endaliga støðutakan. 

Um býráðið tekur undir við ætlanini, verður umsóknin um forskúla í Eysturskúlanum latin Uttanríkis- og mentamálaráðnum til endaliga góðkenning.

Fýra forskúlar í kommununi

Tórshavnar kommuna skrivar, at endamálið við at at stovna forskúla í Eysturskúlanum er at bjóða eitt fullfíggjað og samanhangandi innskúlingartilboð frá tí ári, børnini eru 6 ára gomul, til tey eru liðug í 1. flokki.

Fýra forskúlar eru í Tórshavnar kommunu. Teir eru í Sankta Frans skúla, í Skúlanum á Argjahamri, í Skúlanum á Fløtum og í Lítlaskúla, sum er ein frískúli.

Haraftrat eru forskúlalíknandi tilboð í Nólsoy og í Kaldbak. Tey eru skipað í samstarvi millum dagstovn og skúla. 
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585