Partarnir hitta semingsstovnin aftur í annaðkvøld

Ljósmøðrafelagið og Lønardeildin hjá Fíggjarmálaráðnum hitta semingsstovnin aftur í annaðkvøld at viðgera tær loysnir, sum partarnir hvør sær nú arbeiða við.

Tað upplýsir Terji Sigurðsson, semingsmaður.

Semingsuppskotið, sum semingsstovnurin legði fyri partarnar í gjár, varð vrakað. Terji Sigurðsson segði við útvarpið í gjárkvøldið, at tað serliga eru krónur og oyru, sum skilja partarnar.

Avtalað var við partarnar í gjár, at teir fóru hvør sær at viðgera møguligar loysnir. 

Semingsmenninir hava havt samband við báðar partarnar hvør sær fyrrapartin, og avtalað er, at partarnir skulu hitta semingsstovnin aftur í annaðkvøld.

Sáttmálin hjá ljósmøðrunum fór úr gildi 1.oktober 2020.