Lavrov: Russland vil ikki hava kríggj

Russiski uttanríkisráðharrin, Sergei Lavrov, sigur í dag, at verður tað, sum Russland vil, so verður einki kríggj við Ukraina. 

Tað skrivar Reuters-tíðindastovan.

Men Lavrov leggur aftrat, at Russland fer ikki at góðtaka, at eingin lurtar eftir russiskum áhugamálum og krøvum. 

Royndi politikarin sigur í dag, at svarini frá USA um russisku trygdarkrøvini eru betri enn svarini frá Nato.

Lavrov skal eftir ætlan á fund við amerikanska uttanríkisráðharran, Antony Blinken, í næstum

Franski forsetin, Emmanuel Macron, skal eftir ætlan seinni í dag hava telefonfund við russiska forsetan, Vladimir Putin.