Tonga-jarðskjálvtin fleiri hundrað ferðir sterkari enn Hiroshima

​Jarðskjálvtin og gosspreingingin við oyggjabólkin Tonga í Kyrrahavinum, var so sterk, at talan var um eina megi, sum var fleiri hundrað ferðir sterkari enn kjarnorkubumban, sum varð slept yvir Hiroshima í 1945.

Tað upplýsir NASA Earth Observatory, sambært Videnskab. dk.

Tað er granskarin hjá NASA, Jim Garvin, og onnur saman við honum, sum eru komin til niðurstøðuna.

Fylgt Tonga síðani 2015

Teir hava fylgt gongdini á Tonga síðani í 2015, tá eitt eldgos fekk tvær oyggjar at renna saman.

Tað var sama gosið sum sprongdist herfyri. Og spreingin var so sterk, at hon svaraði til millum 4 og 18 megatons av spreingievninum, TNT.

Bumban sum varð slept yvir Hiroshima, var 15 kilotons av TNT, upplýsa granskararnir.

At granskararnir hava fylgt gongdini í Tonga síðani í 2015, gevur teimum møguleikar at gera útrokningarnar sum eru gjørdar, við hjálp frá radaraeftirliti hjá fleiri londum.

​