Danmark vann EM-bronsu

Málið hjá sterka danska manslandsliðnum var at vinna EM, men tað kiksaði móti snildu spaniólunum í hálvfinaluni. 

Tískil skuldi Danmark spæla bronsudystin móti Fraklandi, sum vann á Danmark í millumspælinum. 

Bronsudysturin gjørdist sera spennandi, tí tað skuldi longd leiktíð til, áðrenn Danmark streyka avstað við sigrinum. 

Danmark, Hondbóltur, Lasse Svan

Frítekst tagging: 

Danmark

Hondbóltur

Jakob Holm dagsins leikari

Danska liðið var nógv skert, tí heimsstjørnan hjá dønum, Mikkel Hansen, var skaddur og fekk ikki spælt dystin. Og so bleiv ilt verri, tá stjørnuskotið, Mathias Gidsel, bleiv illa skaddur. 

Men so traðkaði Jakob Holm veruliga til og syrgdi við tíggju málum fyri, at Danmark ikki bleiv trumlað niður av sterka franska liðnum, ið byrjaði bronsudystin væl. 

Samstundis spældi Niklas Landin kanska sín besta dyst í málinum.

Og tá Danmark hevði brúk fyri nøkrum málum, sendi Nikolaj Jacobsen unga Hans Aaron Mensing á vøllin, og rættiliga óroyndi landsliðsspælarin vísti, at í hansara høgra armi býr eitt øgiligt skot. 

Danmark, Hondbóltur, Jóhan á Plógv Hansen

Frítekst tagging: 

Danmark

Jóhan á Plógv Hansen

Svanasongurin hjá Svan

Dysturin hevði týdning fyri Danmark, tí talan var um síðsta landsdystin hjá høgra vonginum Lasse Svan. 

Og hóast Jóhan á Plógv Hansen, sum øll vænta skal avloysa Lasse Svan á høgra vongi, spældi stóran part av seinna hálvleiki, so sendi venjarin Lasse Svan á vøllin, tá dysturin skuldi avgerðast. 

Danmark, Hondbóltur, Lasse Svan

Lasse Svan fekk eisini ein avgerandi leiklut við tveimum málum, ið gjørdu, at dysturin endaði við janvleiki 29 - 29. 

Í longdu leiktíðin høvdu donsku leikararnir meira orku, og vunni hana við 6-2, so endaliga úrslitið bleiv 35-32. 

Danmark, Hondbóltur, Jóhan á Plógv Hansen

Frítekst tagging: 

Danmark