Hósdagin verður skotið ígjøgnum

P/f Eystur- og Sandoyartunlar bjóða til alment hátíðarhald í ítróttarhøllini á Sandi, nú síðsta skotið verður latið í Sandoyartunlinum.

Hátíðarhaldið verður hósdagin klokkan 13.

Umframt stjóra og nevndarformann í almenna tunnilsfelagnum, fara borgarstjórar og aðrir politikarar at halda røðu, áðrenn Jørgen Niclasen, landsstýrismaður, og 94 ára gamla, Harriet Krog Jensen, skjóta síðsta skotið.

Røðaralistin í sambandi við hátíðarhaldið er hesin: 

Teitur Samuelsen, stjóri í P/F Eystur- og Sandoyartunlum, bjóðar vælkomið

Bergur Poulsen, nevndarformaður í tunnilsfelagnum, heldur røðu

Jørgen Niclasen, landsstýrismaður í fíggjarmálum, heldur røðu

Gerhard Lognberg, borgarstjóri, heldur røðu

Brandur Sandoy, fyrrverandi løgtingsmaður, heldur røðu

Páll á Reynatúgvu, løgtingsmaður, heldur røðu

Heri Sverrason, borgarstjóri, heldur røðu