Tørvur á 155 sosialráðgevum í Grønlandi

Nýggj kanning vísir, at brúk er fyri 155 sosialráðgevum í Grønlandi.

Grønlendska sosialráðgevarafelagið, Niisip, hevur kannað støðuna hjá sosialráðgevum í teimum fimm kommunum í landinum, og støðan er, at av teimum 231 størvunum sum sosialráðgevi í kommununum, eru bert 77 útbúnir sosialráðgevar í starvi.

Sosialráðgevarafelagið mælir nú landsstýriskvinnuni í barna-, ungdóms- og familjumálum, Paneeraq Olsen, at kanna støðuna, og at bøta um viðurskiftini, so at útbúnir sosialráðgevar vilja arbeiða í kommunala geiranum.

Felagið mælir landsstýriskvinnuni til at kanna arbeiðsumstøður og lønarlagið hjá sosialráðgevum, skrivar Sermitsiaq.