Springaradrápið er klárt til politiska viðgerð

Spurningurin um, hvørt føroyingar framhaldandi skulu drepa springarar var evni í Breddanum fyrrapartin. 

Bárður á Steig Nielsen, løgmaðurin, fer at leggja spurningin um springaradrápið fyri landsstýrið týsdagin. 

Tað var í kjalarvørrinum av springaradrápinum í Skálafirði 12. september í summar, har 1423 springarar gjørdu landgongd, at løgmaður lovaði at endurskoða grindalógina fyri at taka støðu til, um vit framvegis skulu drepa springarar. 

Tað var í september, men málið kyknaði aftur í gjár, tá Havbúnaðarfelagið í fráboðan mæltu landsstýrinum til at seta forboð fyri tí, sum teir kalla delfindráp.

Við útvarpstíðindini segði Regin á Bakka, stjóri í Bakkafrost og nevndarlimur í Havbúnaðarfelagnum, at springaradráp er ein tann størsta hóttanin móti føroyskum útflutningi. 

Løgmaður vil ikki upplýsa, um hann fer at fylgja tilmælinum hjá Havbúnaðarfelagnum, men staðfestir, at vit mugu taka hædd fyri, at Føroyar er ein partur av einum størri heimssamfelagi.