Bóndafelagið: Frágreiðingin er misvísandi

16.02.2022 - 13:12
AktueltSamfelag
Bóndafelagið: Frágreiðingin er misvísandi
Formaðurin í felagnum vísir á, at mjólkabøndur veðhalda persónliga fyri skuldina
Mjólkabøndur siga, at skuldin er nógv størri enn tað, sum stendur í frágreiðingini frá Numo.
 

Mjólkabøndur kenna seg ikki aftur í frágreiðingini hjá grannskoðarafyritøkuni Numo, sum í gjár gav út eina frágreiðing, ið lýsir roknskapin hjá partafeløgunum aftan fyri mjólkaframleiðsluna í Føroyum. 

Tað er serliga skuldina, sum teir ikki vilja kennast við. Tí skuldin er fimm ferðir størri tað, sum Numo skrivar í frágreiðingini. 

Sigert Patursson, formaður í Bóndafelagnum, sigur, at partafeløgini, sum Numo viðger, bert hava lántøku til ein traktor ella líknandi. 

Bygningum og øðrum framleiðslutólum hefta flestu mjólkabøndur persónliga fyri, og tí er skuldin nógv størri, sigur hann.

 

Bara feløg

Sambært Bjarna Arnason, stjóra í Numo, eru tað bara partafeløgini ella smápartafeløgini, sum vera viðgjørd í frágreiðingini, og tað framgongur eisini.

Síðani 2007, tá ið festibøndur persónliga skuldu veðhalda fyri skuldina, hevur skuldin ligið uttanfyri. Í sambandi við keyp og sølu av mjólkakvotum, vóru eisini nógvar millumrokningar, sum ikki eru tiknar við, sigur Bjarni Arnason. 

 

Færri bøndur

Mjólkabøndurnir fækka. Í 2017 vóru teir 24 í tali. Í dag eru teir 21.

Ein niðurstøða hjá Løgtingsins umboðsmanni í 2007segði, at Búnaðargrunnurin, við at krevja persónligt veðhald frá festara, kann seta festaran í eina vánaliga rættarstøðu, tí festarin veðheldur persónliga fyri eitt lán til festið, ið landið eigur. Samstundis hevur festarin onga trygd fyri, at hann fær fult endurgjald fyri gjørdar íløgur á festið.

Hendan siðvenja er ikki broytt. 

Sigert Patursson er formaður í Bóndafelagnum.
Er kopiera
Nýggjastu sendingar í ÚV
Hósdag 23. mars
RagnarRokk 23. mars 2023
153471
Hósdag 23. mars
RagnarRokk: Ross Jennings um Fauna
153469
Hósdag 23. mars
Ljóarin 23. mars 2023
154576
Hósdag 23. mars
Lesikrókurin - 304 dagar
154570
Nýggjastu sendingar í SV
Mikudag 22. mars
Úr savninum: Flúgviplássið
154470
Týsdag 21. mars
Vísindavøka 2022
154454
Sunnudag 19. mars
Møti úr Filadelfia í Gøtu
154340
Sunnudag 19. mars
Andakt við Árna Joensen
154308