Kanning: Elbussar kunnu brúkast í Havn

16.02.2022 - 17:00
AktueltSamfelag
Kanning: Elbussar kunnu brúkast í Havn
Svenska fyritøkan AFRY hevur latið Tórshavnar kommunu ávegiskanning um elriknar og biogassriknar bussar
Ein svensk fyritøka kannar fyrimunir og vansar at brúka elbussar í Tórshavnar kommunu.
 

Í svenska býnum Skåne, sum verður brúkt til samanberingar hjá Tórshavnar kommunu, eydnaðist teimum at røkka málið, sum var, at allir býarbussarnir skuldu koyra við el ella biogassi í 2018.

Tað vísir eitt innlit frá Tórshavnar kommunu, sum skal endurnýggja avtaluna við Gundurs bussar. 

Tórshavnar kommuna hevur í hesum sambandi heitt á svensku fyritøkuna AFRY um at kanna, um tað ber til at skifta býarbussarnar út við elriknar býarbussar. 

í Skåne hava tey roknað seg fram til, at sonevnda TCO, sum stendur fyri Total Cost of Ovnership, fer at vera nakað minni við elriknum og biogassriknum bussum enn við dieselbussum. 

Skåne, Umeå, Oslo og Bergen vóru brúktir sum samanberingargrundarlag hjá Tórshavnar kommunu. 

 

Tvífalt so dýrir
 
Gamaní, so kosta teir umleið tað tvífalda at keypa, vísir ávegisfrágreiðingin, men teir eru bíligari í rakstri, havandi í huga, at SEV framleiðir streym fyri ein og sama prís, meðan prísurin á dieselolju er so ymiskur.

AFRY vísir eisini á, at løðing um náttina í framtíðini verður bíligari. Tað vísa samanberingar við onnur lond, har privatar fyritøkur eru slopnar framat. AFRY vísir eisini á, tað er bíligari at viðlíkahalda elbussar enn dieselbussar.

Fyritøkan hevur eisini kannað, um til ber at hava biogassbussar koyrandi í havnargøtum. Men av tí at bara eitt biogassverk er í Føroyum, má okkurt serstakt til, um tað skuldi hent, at biogassverkið verður lagt stilt eina tíð.

Biogassverkið Førka sigur seg tó vera sinnað at gera neyðugu tillagingarnar innan tvey ár. 

 
 

Er kopiera
Nýggjastu sendingar í ÚV
Fríggjadag 27. januar
Morgunlestur fríggjadagur 27. januar 2023
151142
Hósdag 26. januar
RagnarRokk 26. januar 2023
151239
Hósdag 26. januar
RagnarRokk:Oliver Hartmann um Get Over It
151236
Hósdag 26. januar
Lesikrókurin: Morgun og kvøld
151504
Nýggjastu sendingar í SV
Hósdag 26. januar
Foytar greyðir 1
151528
Týsdag 24. januar
Vísindavøka 2022
151430
Mánadag 23. januar
Møti úr Meinigheitshúsinum
151337
Sunnudag 22. januar
Hvør veit?
151287
Sunnudag 22. januar
Andakt við Tummas Jacobsen
151286