Sankta Frans skúli fær framhaldsdeild

Sankta Frans skúli fær nú framhaldsdeild. Tað samtykti býráðið í Havn í gjárkvøldið.

Sum er, hava næmingar í skúlanum verið noyddir at flyta í annan skúla, tá teir skulu í 8. flokk. 

Men framhaldsdeildin kemur ikki fyrr enn skúlaárið 2023/24.

Tá ber til at ganga øll árini, frá forskúla til 9. flokk í Sankta Frants skúla.

Kommunan fer at byggja nýggj skúlahøli til endamálið, og arbeiðið fer í gongd beinanvegin, skrivar kommunan.