Royal Greenland gevst at úflyta til Russlands

Royal Greenland gevst nú at útflyta fisk til Russlands.

Tað váttar Royal Greenland fyri Sermitsiaq.

- Okkara eigari, sum er grønlendska sjávlstýrið, hevur avgjørt, at allar fyritøkur, sum sjálvstýrið eigur, skulu fyribils steðga á við at handla við Russland, sigur Mikael Thinghuus, stjóri í Royal Greenland.

580 mió. kr.

Samlaði útflutningurin úr Grønlandi til Russlands í fjør var 580 mió krónur, sigur Grønlands Erhverv sambært Sermitsiaq.

Útflutningurin til Russlands er vaksin nógv undir koronafarsóttini, tí tað hevur verið torført at útflyta til Asia.

Royal Greenland vil ikki upplýsa, hvussu stórur útflutningurin til Russlands var í fjør, men stjórin sigur, at hóast avgerðin fer at ávirka Royal Greenland, so má tørvurin hjá einstaklingum víkja fyri størra tørvinum, og handilsligu avleiðingarnar eru onki samanborið við tað, sum ukrainska fólkið nú verður útsett fyri, sigur Mikael Thinghuus.