Fólkaatkvøða í Danmark um verjufyrivarni 1. juni

07.03.2022 - 07:51
AktueltÚtheimurin
Fólkaatkvøða í Danmark um verjufyrivarni 1. juni
Útreiðslurnar til donsku verjuna fara at økjast nógv næstu árini, og samstundis skal danska fólkið taka støðu til verjufyrivarnið, sum Danmark hevur mótvegis ES.
Mette Frederiksen, danskur forsætisráðharri, undirskrivar nýggju verjuavtaluna, ið fer at gera, at Danmark í 2033 fer at brúka 18 mia. kr. um árið upp á verjuna
Mynd: Ritzau / Scanpix  
 

Danski forsætisráðharrin, Mette Frederiksen, boðaði í gjárkvøldið frá, at ein avtala um at økja útreiðsluna til donsku verjuna er gjørd við Vinstra, Sosialistiska Fólkaflokkin, Radikala Vinstra og Konservativa flokkin.

Og fólkaatkvøða um verjufyrivarnið mótvegis ES verður 1. juni, boðaði forsætisráðharrin eisini frá.

Málið er, at Danmark, í seinasta lagi í 2033, skal nýta tvey prosent av bruttotjóðarúrtøkuni til verjuendamál, og mett verður, at tá økjast verjuútreiðslurnar við 18 milliardum kr. um árið.

 

Sjey milliardir næstu tvey árini

Flokkarnir eru eisini samdir um, at sjórnin skal finna sjey milliardir til verjuna næstu tvey árini, tí støðan í Ukraina er ótrygg.

Tann avtalan er eisini gjørd við ein meiriluta í Fólkatinginum.

- Pengarnir skulu nýtast til betri verju, diplomatiskt virksemi og hjálp av ymsum slag, segði Mette Frederiksen.

 

Ikki semja um verjuavtaluna

Tríggir av flokkunum í Fólkatinginum eru ikki við í verjuavtaluni, sum varð gjørd í gjárkvøldið.

Teir eru Danski Fólkaflokkurin, Nýggju Borgarligu og Eindarlistin.

- ES er ikki, og verður ongantíð, nøkur trygd fyri Danmark. Neyðugu trygdina fær Danmark bert umvegis NATO, sigur forkvinnan í Nýggja Borgarliga flokkinum, Pernille Vermund.

Heldur ikki politiska talskvinnan hjá Eindarlistanum, Mai Villadsen, og formaðurin í Danska Fólkaflokkinum, Morten Messerschmidt, halda tað vera eitt gott hugsot at sleppa verjufyrivarninum við ES.

Er kopiera
Nýggjastu sendingar í ÚV
Leygardag 2. juli
Morgunlestur leygardagur 2.juli 2022
141508
Fríggjadag 1. juli
Summarmorgun 01. juli 2022
141705
Fríggjadag 1. juli
Morgunlestur fríggjadagur 1.juli 2022
141507
Hósdag 30. juni
RagnarRokk: Lips um Impact Is Imminent
139913
Nýggjastu sendingar í SV
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574
Mánadag 27. juni
3-2
141573
Sunnudag 26. juni
Andakt við Róland í Skorini
141518