Kríggið í Ukraina kanna elva til príshækking á matvørum

Kríggið í Ukraina kann hava við sær, at prísurin á matvørum fer at hækka nógv, og tá verður ikki liviligt hjá teimum fátækastu kring heimin.

Tað sigur leiðarin fyri matvørustovnin hjá ST, WFP, David Beasley, við BBC, skrivar Ritzau.

Russland og Ukraina eru bæði lond, sum útflyta nógv, sum vit nýta til matvørur, m.a. hveiti og aðrar vørur til matídnaðin.

Tann parturin av virkseminum í londunum, serliga í Ukraina, er longu meint raktur, og tað hevur fingið prísirnar at hækka munandi.

Fara at svølta

Tí er eingin ivi um, at nógv fólk kring heimin fara at svølta, sigur David Beasley.

- Júst sum ein heldur, at helviti á jørð ikki kann gerast verri, so hendir slíkt sum hetta, sigur hann við BBC.

Serfrøðingar siga seg vænta, at prísurin á kornvørum kann tvífaldast, tí tørvurin verður so stórur. Og tað fer at fáa størst týdning fyri lond, sum innflyta korn úr londum við Svartahavið, m.a. Ukraina, sigur stjórin í matvørustovninum.