Ikki fleiri hjálparpakkar fyribils

Fleiri hjálparpakkar í sambandi við koronu eru ikki á veg, sum støðan er nú.

Tað sigur Magnus Rasmussen, landsstýrismaður, um tað, sum meirilutin í Vinnunevndina segði um tey, sum ikki fáa pengar úr landskassanum, tí tey mistu pengar, tá korona kom.

Bjarni Hammer, Henrik Old, Bjørt Samuelsen, Bjarni K. Petersen og Johan Dahl siga í álitinum um uppskotið um stuðul til skeinkistøðini, at millum annað kateringvinnan fær ongan stuðul.

Men stórar fyritøkur, sum kappast við kateringvinnuna, hava fingið nógvar pengar úr landskassanum.

Fingið lovað hjálpandi hond

Tey fimm í Vinnunevndini siga, at kateringvinnan hevur ferð eftir ferð hevur fingið lovað eina hjálpandi hond frá landsstýrinum, men enn er eingin hjálp komin. 

Tey heita á landsstýrismannin í umhvørvis- og vinnumálum um at leggja hjálparpakka til kateringvinnuna fyri løgtingið. 

Tey mæla eisini til, at ein uppsavningarpakka verður gjørdur til teirra, sum eru dottin niðurímillum.

Meirilutin í Vinnunevndin nevnir eisini vinnuna, sum letur ljóð og ljós til diskotek og vertshús.

Men fleiri hjálparpakkar koma ikki, sigur landsstýrismaðurin.