- Tíðindi, mentan og ítróttur
"Alt annað enn vanligt" er ársins videolag
![](https://kvf.fo/sites/default/files/styles/grein-ovasta-mynd/public/fma22-5.jpg?itok=DG5BzDfm)
Dania O. Tausen er nokk alt annað enn vanlig, tí seinasta árið hevur staðfest, at hon gongur sínar heilt egnu leiðir.
Á hennara útgávu "Gonguteigatúnatos" er ein sangur, ið snýr seg um júst tað.
"Alt annað enn vanligt" eitur sangurin, og videolagið, ið Maria Tórgarð hevur leikstjórnað til sangin, vann í kvøld heiðurin sum ársins videolag á FMA.
Tær báðar hava upp á nógvar mátar sett eitt slag av mentanarligari dagsskrá í 2021.
Dania hevur bæði givið plátu og yrkingarsavn út, meðan Maria tók alt og øll á bóli við sínum dokumentarfilmi "Skál", sum snýr seg um Daniu og hennara menningarferð úr einum kristnum umhvørvi á Toftum og til eitt meira frígjørt og listarligt lív í Havn.
Rørd
Maria Tórgarð, leikstjóri, var rørd av at fáa FMA-heiðurslønina fyri "Ársins videolag", og Dania O. Tausen takkaði abbanum fyri, at hann hjálpti teimum við videolagnum.
Her er ársins videolag.
Í sambandi við útgávuna av "Gonguteigatúnatos" var eitt gonguteiga tos gjørt við Daniu O. Tausen her á kvf.fo.