- Tíðindi, mentan og ítróttur
Færri próvtøkur í miðnámi
Færri próvtøkur í miðnámi
Mentamálaráðið fyrireikar uppskot um broytingar, og tað verður lagt fyri tingið í næstum
![](https://kvf.fo/sites/default/files/styles/grein-ovasta-mynd/public/glasir_korona_kanningar-45.jpg?itok=-oRVNeBU)
Korona hevur við sær, at broytingar verða gjørdar í kravda próvtøkutalinum á miðnámi. (Savnsmynd: Bjarni Árting Rubeksen)
Mynd: Bjarni Árting Rubeksen
11.03.2022 - 10:06
Lógaruppskot, sum loyvir broytingum í kravda próvtøkutalinum í miðnámi, verður fyrireikað í løtuni og væntandi lagt fyri løgtingið í næstum.
Tað sigur Jenis av Rana, landsstýrismaður, í svari til Eyðgunn Samuelsen, løgtingskvinnu, sum spurdi um próvtøkurnar í miðnámi í summar, nú korona hevur herjað alt skúlaárið.
Jenis av Rana sigur, at fylgt verður við, hvørjar tillagingar verða gjørdar í Danmark.
Skal líkjast tí danska
Tí flestu føroyingar, sum fara uttanlands at lesa eftir miðnám, fara til Danmarkar.
Føroyski leisturin skal líkjast tí danska, men skal tillagast okkara skipan.
Í Danmark er longu avgjørt, at færri próvtøkur verða hjá eldru flokkunum í gymnasialum miðnámi í ár.
Nýggjastu sendingar í ÚV
Nýggjastu sendingar í SV