Færri próvtøkur í miðnámi

Lógaruppskot, sum loyvir broytingum í kravda próvtøkutalinum í miðnámi, verður fyrireikað í løtuni og væntandi lagt fyri løgtingið í næstum.

Tað sigur Jenis av Rana, landsstýrismaður, í svari til Eyðgunn Samuelsen, løgtingskvinnu, sum spurdi um próvtøkurnar í miðnámi í summar, nú korona hevur herjað alt skúlaárið.

Jenis av Rana sigur, at fylgt verður við, hvørjar tillagingar verða gjørdar í Danmark. 

Skal líkjast tí danska

Tí flestu føroyingar, sum fara uttanlands at lesa eftir miðnám, fara til Danmarkar.

Føroyski leisturin skal líkjast tí danska, men skal tillagast okkara skipan.

Í Danmark er longu avgjørt, at færri próvtøkur verða hjá eldru flokkunum í gymnasialum miðnámi í ár.