"Hey Amanda" er ársins sangur

2021 var árið, tá Brimheim slerdi ordiliga ígjøgnum á danska tónleikapallinum við fleiri sterkum sangum, sum nú eisini eru útgivnir á plátuni "Can't Hate Myself Into A Different Shape". . 

Og eingin var sterkari enn "Hey Amanda", sum nú kann prógvað tað við einari FMA-heiðursløn sum "Ársins sangur". 

Á konsertferð

Helena Heinesen Rebensdorff, ið stendur aftanfyri listanavnið Brimheim, kundi tíverri ikki vera í Norðurlandahúsinum í kvøld og taka ímóti FMA-virðislønini, tí hon er á umfatandi konsertferð í Danmark í sambandi við plátuútgávu. 

FMA-vertirnir Marianna Winter Nagata og Rólant Waag Dam høvdu fingið umboðsfólkið hjá Brimheim, Thit Melanie Berthou, við upp á at taka hana eitt sindur á bóli, tá hon fekk handað FMA-virðislønina fyri "Ársins sang".

Tað var mamma Helenu, tann navnframa Elin Heinesen, sum sjálv vann eina FMA-heiðursløn fyri ársins tekst, ið tók ímóti FMA-heiðurslønini fyri dóttrina. 

Skuldi nakar ivast í, hvussu "Hey Amanda" ljóðar, so kann video hoyrast her niðanfyri. 

Kringvarp Føroyar gjørdi fyrr í ár eina dokumentarsending um Brimheim, ið kann síggjast niðanfyri. 

"Kvørnin" hjá Kringvarpinum hevur eisini ummælt nýggju plátuna hjá Brimheim, "Can't Hate Myself Into A Different Shape".