Ukraina væntar ítøkilig samráðingarúrslit fyrsta dagin

Ein ráðgevi hjá ukrainska forsetanum, Volodymyr Zelenskyj, er bjartskygdur undan samráðingarfundinum við Russland í dag, skrivar The Guardian sambært Ritzau.

Mikhailo Podoljak sigur, at hann væntar ítøkilig úrslit í samráðingunum fyrsta dagin.

Í dag fara umboð fyri Ukraina og Russland at hava talgildan fund, har tikið verður saman um støðuna.

Munandi framstig

Ein russiskur samráðingarmaður, Leonid Slutsky, segði gjár, at munandi framstig eru gjørd í samráðingunum við Ukraina. Hann heldur, at møguleikar eru fyri, at samráðingarnevndirnar koma til eina felags niðurstøðu, skrivar russiska tíðindastovan RIA sambært Reuters.

Russland og Ukraina hava samráðst í fleiri umførum seinastu tíðina.

7. mars hittust umboð fyri Russland og Ukraina í Hvítarusslandi,10. mars høvdu russiski og ukrainski uttanríkisráðharrin fund í Turkalandi, og í dag verður ein talgildur fundur millum partarnar.