Evergreen-skip farið á land í Baltimore

Eitt risastórt bingjuskip hevur siglt á land nærindis havnini í Baltimore í USA.

Skipið eitur Ever Forward, og eigarin er sama reiðarí, sum átti binbjuskipið Ever Given, sum sigldi á land og legði seg tvørt fyri 54 km. inni í Suezveitini í Egyptalandi fyri sløkum árum síðani.

Ever Forward er 334 metrar langt, og sigldi á land í Chesapeake-flógvanum stutt eftir, at tað var farið úr havnini í Baltimore sunnukvøldið.

Skipið var á veg til Norfolk í Virginia.

Farið var beinanvegin undir at tøma bingjur úr skipinum.

Forðar ikki skipaferðsluni

Eingin fólkaskaði var, boðar havnarmyndugleikin frá, eingin leki er funnin, og Ever Forward forðar ikki aðari skipaferðslu inn og úr havnini í Baltimore.

Ever Given steðgaði fyri sløkum ári síðani allari skipaferðslu í Suez-veitini í seks dagar.

19.000 skip sigla gjøgnum Suezveitina um árið, og tað svarar til 10 prosent av allari skipaferðslu.

Eitt reiðarí, sum hevur høvuðsstøð í Teivan, eigur Ever Forward og Ever Given.