Fiskaútflutningurin vaksin tvær milliardir seinasta árið

Fiskaútflutningurin vaksin tvær milliardir seinasta árið
Vit útfluttu fiskavørur fyri umleið 10,3 milliardir. Innflutningurin er eisini vaksin
Bæði útflutningurin og innflutningurin er vaksin seinasta árið.
Mynd: Hagstovan  
 
16.03.2022 - 15:46

Fiskaútflutningurin vaks nærum tvær milliardir kr. frá februar í fjør til januar í ár, vísa tøl hjá Hagstovuni.

Tilsamans útfluttu vit fisk fyri umleið 10,3 milliardir kr. 

Meginparturin av vøkstrinum stavar frá størri útflutningi av laksi.  Nøgdin seinasta árið vaks 40 prosent og virðið 45 prosent.

Útflutningsvirðið á makreli er vaksið 202 milliónir kr., og virðið á sildaútflutninginum vaks 142 milliónir.

Hinvegin minkaði útflutningurin av svartkjafti niður í helvt.

 

Innflutningurin eisini vaksin

Innflutningurin er eisini vaksin seinasta árið. 

Hann var tilsamans 9,4 milliardir kr., ella 1,4 milliardir størri enn árið fyri.

Innflutningurin av brennievni vaks 507 milliónir kr., men verður innflutningurin av brennievni í januar samanborin við januar í fjør, er vøksturin 70 prosent. 

Innflutningurin av fiski til fiskavirking var 87 prosent størri, og innflutningurin av maskinum og aðrari útgerð til vinnulívið er vaksin 33 prosent.

Sí meira um útflutningin og innflutningin her.

Er kopiera
Nýggjastu sendingar í ÚV
Fríggjadag 30. mai
Vikuskiftið 30. mei 2025
192617
Fríggjadag 30. mai
Góðan morgun Føroyar
192582
Nýggjastu sendingar í SV
Fríggjadag 30. mai
Veðrið
192615
Hósdag 29. mai
Andakt við Pól Johannesen
192558
Hósdag 29. mai
Guðstænasta úr Eiðis kirkju
192552
Mikudag 28. mai
Ein dagur í Nuuk - teknmálstulkað
192506
Mikudag 28. mai
Dagur og vika - teknmálstulkað
192491