Vit áseta egna makrelkvotu aftur í ár

Fyrsta dagin fer landsstýrismaðurin í fiskivinnumálum at áseta føroysku makrelkvotuna fyri 2022.

Eftir ráðførslu við Uttanlandsnevndina verður kvotan kunngjørd.

Samráðingarnar í London millum strandarlondini um makrelbýtið í 2022 endaðu uttan úrslit í gjár.

Londini eru tó samd um at hittast aftur 10. og 11.mai at samráðast um býtið í 2023.

Og allar vísindaligar kanningar um makrel eru nú samansjóðaðar í eina kanning, sum verður brúkt í mai.

Í vár verða politiskar samráðingar millum Føroyar og Bretland um fisk, har sum landsstýrismaðurin í fiskivinnumálum og bretski fiskivinnuráðharrin hittast í London ella í Havn.