ES útflutt vápn til Russlands hóast vápnastongsil

bannari
18.03.2022 - 09:29
AktueltÚtheimurin
ES útflutt vápn til Russlands hóast vápnastongsil
Frakland, Týskland og Itala hava verið størstu útflytarar av vápnum til Russlands, síðani russar løgdu Krim undir seg í 2014
Umleið tríggjar milliónir fólk eru flýdd úr Ukraina, síðani russiska innrásin byrjaði 24. februar. Spurningurin er, um vápnini, sum russar brúka í Ukraina, eisini eru vápn, sum ES-lond hava útflutt.
Mynd: Ritzau Scanpix  
 

ES-lond hava útflutt vápn og hernaðarútgerð fyri milliardir av krónum til Russlands síðani 2014, hóast vápnastongsil var settur í gildi tað árið.

Millum 2015 og 2020 vóru flogfør, rakettir, torpedoir og bumbur útfluttar úr ES til Russlands fyri í minsta lagi 2,5 milliardir krónur, sambært Investigate Europe, sum er eitt netverk av gravandi journalistum.

Tølini eru fingin til vega frá almennu hagtølunum hjá ES-londunum fyri útflutning, og tey avdúka, at stór hol eru í vápnastongslinum, sum var settur í gildi, eftir at Russland hertók Krim-hálvoynna í Ukraina í 2014.

Vera helst brúkt í Ukraina

Nøkur av vápnunum, sum vóru útflutt, brúka russiskar herdeildirnar helst nú í innrásini í Ukraina, sigur netverkið.

Frakland, Týskland og Itala vóru størstu útflytarar av vápnum hesi árini, men - lagnunnar speisemi - vísa tølini eisini,  at Ukraina var eisini stórur útflytari av vápnum til Russlands.

Eysturríki, Finnland, Spania, Slovakia, Kekkia, Kroatia og Bulgaria útfluttu eisini vápn og hernaðarútgerð til Russlands, men í minni mun, vísa hagtølini, sambært NTB.

 

SÍ videomyndir frá AP-tíðindastovuni frá álopi á næststørsta býin í Ukraina, Kharkiv, í gjár: 

 

KHARKIV_TIL_NET

 

 

 

 

 

 


 

Er kopiera
Nýggjastu sendingar í ÚV
Leygardag 3. desember
Morgunlestur leygardagur 3. desember 2022
148597
Fríggjadag 2. desember
Vikuskiftið 2 des 2022
148888
Fríggjadag 2. desember
Øðrvísi á Gentuvesinum
148882
Fríggjadag 2. desember
Miðflokkurin í Tinginum
148869
Fríggjadag 2. desember
Góðan morgun Føroyar 02. desember 2022
148849
Nýggjastu sendingar í SV
Fríggjadag 2. desember
Javnaðarflokkurin í Andglettinum
148751
Fríggjadag 2. desember
Miðflokkurin í Tinginum
148852
Hósdag 1. desember
Fólkaflokkurin í Andglettinum
148527
Hósdag 1. desember
Val kring landið - Hov
148799