Russiskt álop á Kyiv kravt fýra mannalív

Í minsta lagi fýra fólk lógu eftirá í einum bumbuálopi á høvuðsstaðin í Ukraina, Kyiv, í gjárkvøldið.

Borgarstjórin í Kyiv, Vitali Klitschko, upplýsir í morgun, at ógvislig álop hava verið á bústaðarøkið og handilsøkið, Podil, sum liggur norðan fyri miðbýin í Kyiv.

- Nógvar spreingingar hava verið at hoyrt, skrivar borgarstjórin. Fólk royna at hjálpa í økinum, sigur hann.

Higartil er boðað frá, at minst fýra fólk lógu eftirá í álopunum.

Tíðindastovan, Reuters, skrivar, at tað hevur ikki borið til at fáa tíðindini váttað.

Sí videobrot frá AP-tíðindastovuni:

Hoyr tíðindamannin hjá hjá danska TV2, Rasmus Tantholdt:

Biden til Póllands

Amerikanski forsetin, Joe Biden, fer fríggjadagin til Póllands at umrøða kríggið í Ukraina  við pólska forsetan, Andrzej Duda.

Tað upplýsa Hvítu húsini.

- Amerikanski forsetin vil sleppa at umrøða, hvat tey sameindu kunnu gera við mannarættindakreppuna í Ukraina, sum russiska innrásin hevur elvt til, skrivar Jen Psaki, talsmaður í Hvítu húsunum.

- Forsetin hevur ongar ætlanir um at fara til Ukraina, leggur hann aftrat.

Pólland hevur tikið ímóti nógvum flóttafólkum úr Ukraina, tey eru meir enn tvær milliónir í tali.