SEV sett tveir motorar upp í Sørvági

Nógv økt vinnuvirksemi í Sørvági ger, at SEV hevur havt ilt við at nøkta tørvin á eli í økinum. 

Tí hevur SEV, við loyvi frá Sørvágs kommunu, sett tveir motorar upp í grótbrotinum at framleiða streym.

SEV skal tryggja, at ljóðið frá motorunum heldur seg innan fyri galdandi mørk.

Óljóðið innanfyri mark

Ljóðgreiningar, sum eru gjørdar, vísa, at ljóðið frá motorunum fer at vera innan fyri galdandi markvirði.

Tá framleiðslan fer í gongd, verða meira umfatandi ljóðkanningar gjørdar, og um neyðugt ber tá til at minka um møguligt óljóð.

Teir báðir motorarnir eru settir upp í eystara enda av grótbrotinum og royndarkoyrdir, men ymiskt kaðalarbeiði er eftir at gera, áðrenn framleiðslan kann fara í gongd, skrivar Sørvágs Kommuna. 

Loyvið hjá SEV er galdandi í trý ár.