Putin størri undirtøku eftir innrásina í Ukraina

Putin størri undirtøku eftir innrásina í Ukraina
Russland vil vera við, at innrásin í Ukraina er avleiðing av fólkadrápinum móti tí partinum av fólkinum í Ukraina, sum tosar russiskt
Vladimir Putin hevur stóra undirtøku heima í Russlandi, vísa meiningakanningar.
Mynd: Ritzau Scanpix  
 
03.04.2022 - 15:10

Undirtøkan fyri russiska forsetanum, Vladimir Putin, er vaksin, síðani innrásin byrjaði í Ukraina.

Tað vísir fyrsta meiningakanning, sum er gjørd, síðani kríggið byrjaði.

Meiningakanningina hevur ikki-almenna Levada-miðstøðin gjørt, og hon vísir, at 83 prosent av russum stuðla Putin. 

Tað er stór framgongd síðani fyrst í februar, tá ið undirtøkan var 71 prosent.

Av teimum spurdu, svaraðu 15 prosent, at tey ikki taka undir við Putin, og tvey prosent høvdu onga meining um forsetan.

 

Innrásin er avleiðing av fólkadrápi

Eisini meiningakanningar frá Kreml-stuðlaðum kanningarmiðstøðum vísa, at Putin fær undirtøku frá 80 prosentum av teimum spurdu.

Russland vil vera við, at innrásin í Ukraina er avleiðing av fólkadrápinum móti tí partinum av fólkinum í Ukraina, sum tosar russiskt.

Hetta uppáhaldið bera almennar sjónvarpsrásir í Russlandi sínum hyggjarum dag og dagliga. 

Samstundis eru óheftir miðlar antin noyddir til gevast við sínum tíðindaflutningi, ella eru miðlarnir bannaðir eftir innrásina í Ukraina, skrivar NTB.

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652