- Tíðindi, mentan og ítróttur
Sement verður stroymt beinleiðis her á kvf.fo
Sement verður stroymt beinleiðis her á kvf.fo
Fyrsta umfar av tónleikakappingini Sement kann síggja beinleiðis her á heimasíðuni hjá Kringvarpinum frá klokkan 21 í kvøld
Ungdómstoymið hjá Kringvarpinum, BIIT, fer at senda beinleiðis frá øllum umførunum og finaluni í Sement. Fyrsta umfar er í kvøld
09.04.2022 - 20:35
Ungdómspallurin hjá Kringvarpi Føroya, BIIT, fer at stroyma beinleiðis frá tónleikakappingini Sement her á kvf.fo.
Sement, sum verður fyriskipað í Reinsarínum í Havn, verður í trimum undanumførum og einari finalu, og fyrsta umfar er í kvøld klokkan 21.
Vertir vera Rannvør Fríða Eyðunsdóttir og Fríði Djurhuus, sum eru kend frá ávikavist Gestuvesinum og Óhoyrt.
Sement
Sement er tónleikakapping í rútmiskum tónleiki, har øll kunnu luttaka – roynd og óroynd, kend og ókend - og tað verður ikki sett nøkur krøv til tónleikasjangruna.
Einastu treytirnar fyri at luttaka eru:
- Hvør bólkur fær 15 minuttir á pallinum.
- Øll løgini skulu vera egin løg og ikki útgivin áður.
- Tónleikarar kunnu spæla í trimum bólkum, men bert tveir tónleikarar kunnu ganga aftur í somu bólkum.
- Hevur tú vunnið Sement, so skulu tað ganga fimm ár, áðrenn tú aftur kann luttaka við sama bólki.
Í fyrsta umfari luttaka bólkarnir:
- SWAY
- Piparstertar
- RSP
- Eimyrja
- Telemama
Fostrað sterk nøvn
Sement hevur verið fyriskipað síðani 2010, og hevur síðani byrjanina fostrað nøkur av sterkastu nøvnunum á føroyska tónleikapallinum, eitt nú Hamferð, Guðrun & Bartal, Konni Kass, Jasmin og Tamaru, sum øll hava vunnið kappingina.
Sement vinnarar:
2021: Joe & The Shitboys
2020: Tamara
2019: Reality Bites
2018: Fróði Bjarnason
2017: Jasmin
2016: Blusette
2015: Konni Kass
2014: Lyon and The Color Storm
2013: The Absent Silver King
2012: Sleepless Ghosts
2011: Guðrun & Bartal
2010: Hamferð
Fyrsta umfar av Sement kann síggjast HER.
Er kopiera
Nýggjastu sendingar í ÚV
Nýggjastu sendingar í SV
