Zelenskyj: Tíggjutúsundtals sivil deyð í Mariupol

Helst eru fleiri tíggjutúsundtals sivilfólk deyð í Ukrainska havnabýnum Mariupol.

Tað segði ukrainski forsetin Volodymyr Zelenskyj í røðu til suðurkoreanska parlamentið í dag.

Býurin hevur verið heilt kringsettur av russiska herinum síðani 2. mars, og Zelenskyj segði í dag, at býurin er lagdur púra í oyði, men hóast hetta steðga russar ikki við álopunum.

Volodymyr Zelenskyy

Frítekst tagging: 

Volodymyr Zelensky

Humaniter vanlukka

Undan krígnum búðu fleiri enn 400.000 fólk í Mariupol og longu 13. mars ávaraði reyði krossur um eina humanitera vanlukku í Mariupol, har tey sum eftir vóru, høvdu vánaliga atgongd til reint vatn, mat og streym.

Enn hevur ongin annar váttaði tølini av deyðum í Mariupol, sum Ukrainski forsetin nevndi í dag, men stutt eftir røðuna fyri suðurkoreanska parlamentinum skrivaði russiska tíðindastovan RIA, at ukrainski herurin hevur ábyrgdina av, at minst 5.000 fólk hava latið lív í býnum.

Volodymyr Zelenskyy, Suðurkorea