Ukraina hevur nú handað ES umsókn um limaskap

Ukrainski forsetin, Volodymyr Zelenskyj, handaði í gjár ES umsókn um limaskap, og hann vónar skjóta viðgerð.

Zelenskyj hitti í gjár Matti Maasikas, sum júst er tilnevndur ES-sendiharri í Ukraina, har hann handaði tvey bind við svarum upp á spurningar viðvíkjandi ukrainskum ES-limaskapi. 

Spurningarnar fekk ukrainski forsetin frá leiðaranum í ES-kommisjónini, Ursula von der Leyen, tá hon vitjaði í Kyiv fyrr í mánaðinum.