12 menn vilja vera stjóri í Akstovuni

12 umsøkjarar eru til starvið sum stjóri í Akstovuni, allir umsøkjarar eru føroyingar og menn.

Verandi stjórin, Jákup Jacobsen, hevur søkt um at verða loystur úr starvi í heyst, tá hann fyllir 67 ár.  

Tá hevur hann verið stjóri í Akstovuni í 25 ár.

Tey, sum søktu, skuldu hava viðkomandi útbúgving í løgfrøði, verkfrøði, búskapi ella sum løgreglufólk til dømis.

Tey skulu eisini hava viðkomandi fakligar royndir og áhuga fyri ferðsluviðurskiftum, leiðsluroyndir og/ella leiðsluútbúgving, góð samstarvsevni og mennandi leiðslustíl og góðar samskiftisførleikar í skrift og talu.

23 fólk arbeiða í Akstovuni, sum er stovnur undir Fíggjarmálaráðnum.