Landsstýrismaðurin: Arbeiða við at finna pengar til Almannaverkið

Almannaverkið fær helst nakað av pengum afturat, so sparingin á stovninum ikki verður so stór.

Sólvit Nolsø, landsstýrismaður í almannamálum, sigur, at arbeitt verður við málinum:

Undir fíggjarlógararbeiðinum fekk Almannaverkið nakað minni av pengum, enn biðið varð um.

Avleiðingin er nú, at ávísar tænastur mugu skerjast.

Landsstýrismaðurin upplýsti í svari til tingkvinnuna, Sirið Stenberg, í gjár, at leiðslan í Almannaverkinum roynir nú at tryggja, at sparingarnar raka so fáar borgarar sum møguligt.

Onnur stig eru eisini tikin.

almannaverkið

Skerja viðlíkahald

Tað verður skert í viðlíkahaldi og rakstrartólum, so sum bilum, sum fer at bera við sær økt slit av bygningum og bilum.

Eisini verður skert í førleikamenningini av starvsfólkum.

Tað fer við tíðini at ávirka tænastustigið til tað verra, og tað fer at skapa verri trivnað millum starvsfólk.

Syndarligar sparingar

Sirið Stenberg heldur, at sparingarnar eru syndarligar fyri familjurnar, sum verða raktar:

 
Orðaskiftið var millum Sólvit Nolsø, landsstýrismann í almannamálum, og Sirið Stenberg, tingkvinnu fyri Tjóðveldi, í Breddanum fyrrapartin.

Breddin kann hoyrast her.