Elrennihjól: Kannar møguleikan at broyta ferðslulógina

Uni Rasmussen, landsstýrismaður í ferðslumálum, kannar, um áhugi er í samgonguni fyri at broyta ferðslulógina, so hon er meira nágreinilig um elrennihjól.

Sum lógin er nú, kunnu elrennihjól ikki skrásetast í Føroyum og tí heldur ikki brúkast í almennari ferðslu.

Fútin hevur sagt, at tey, sum verða sædd á elrennihjóli í almennari ferðslu, fáa bót. 

Uni Rasmussen sigur, at heldur samgongan tað ikki vera neyðugt at broyta ferðslulógina, verður hon ikki broytt.