Lupu á Kyiv meðan ST-aðalskrivarin var á vitjan

Undir vitjanini hjá ST-aðalskrivaranum, Antonio Guterres, í Kyiv, hava russar framt rakettálop á býin.

- Hetta vísir muruna í russisku leiðsluni, at teir royna at eyðmýkja ST og alt tað, sum Sameindu tjóðir standa fyri, segði ukrainski forsetin, Volodomyr Zelenskij, eftir fundin við Guterres.

Hetta er fyrstu ferð síðani miðjan apríl, at Russland ger rakettálop á Kyiv.

Ræðandi

- Vit eru í einum krígsøki, og tað er ræðandi, at hetta hendir so nær okkum, sigur talsmaðurin fyri humaniteru skrivstovuna hjá ST, Saviano Abreu, við tíðindastovuna AFP.

Nógvir vesturlendskir oolitikarar hava vitjað Kyiv undir krígnum, men hetta er fyrstu ferð, at eitt slíkt álop verður framt nærindid høvuðsstaðnum undir slíkum vitjanum.

- Hetta er eitt álop á trygdina hjá ST-aðaskrivaranum og á heimstrygdina, sigur ukrainski verjumálaráðharrin, Oleksij Reznikov.