![](https://svf.fo/sites/default/files/styles/myndasavn-width/public/sement_2022-44-denoiseai-low-light.jpg?itok=Ny-hU2T5)
- Tíðindi, mentan og ítróttur
Impartial er alt annað enn uttanveltaður
Impartial er alt annað enn uttanveltaður
SEMENT22: Impartial er nýggja vónin hjá føroyska tungmálmspallinum, og Wacken Metal Battle-vinnarin staðfesti hesa støðu so dyggiliga í Sement-finaluni
![](https://kvf.fo/sites/default/files/styles/grein-ovasta-mynd/public/sement_2022-37-denoiseai-low-light.jpg?itok=jQJk5VUU)
Impartial sprongdi kamarnar í Reinsarínum við einari sera sannførandi framførslu
Mynd: Bjarni Árting Rubeksen
30.04.2022 - 22:34
Impartial merkir uttanveltaður. Men tað er einki uttanveltað við føroyska tungmálmsbólkinum Impartial. Bólkurin er gjøgnumsúrgaður tungmálmur úr enda í annan.
Impartial, sum spælir rættiliga melodiskan tungmálm, vann fyri nøkrum árum síðani kappingina Wacken Metal Battle, og líkt er til, at bólkurin nú hevur tikið stafettina sum oddabólkur á sterka føroyska tungmálmspallin.
Í Sement-finaluni staðfesti Impartial, at talan er um ein sera væl samanspældan bólk.
Impaltial sprongdi rammurnar í Reinsarínum, tí bæði pallurin og húsið sjálvt tóktist ov lítið at rúma bæði bólkin og tónleikinum hjá honum.
Nýggjastu sendingar í ÚV
Nýggjastu sendingar í SV