Ternan fer nú at sigla fyri Teistan

Fyrst í næstu viku skal Ternan aftur í sigling.

Men tað verður ikki á Nólsoyarleiðini.

Ternan skal sigla fyri Teistan í tvær ella tríggjar vikur, meðan Teistin er á beding.

Ternan fór á sjógv í gjár. Hon fór á beding 19.apríl.

Neyðugt var millum annað at skifta tvey stálstykki frammi í gronini, tey eru 25 ferðir 25 sentimetrar. 

Tað var skaðin, sum Ternan fekk, tá hon fór á land í Nólsoy 4.apríl.