Tvífalda viðførismóttøkuna á flogvøllinum

Viðførismóttøkan á flogvøllinum í Vágum verður meira enn dupult so stór, tá hon er útbygd.

Hon er nú 250 fermetrar, og hon verður 620 fermetrar.

Longdin á viðførisbandinum verður tvífaldað, sigur Uni Rasmussen, landsstýrismaður, í svari til Jóhannis Joensen, løgtingsmann.

Miðað verður eftir, at útbyggingin er liðug á sumri næsta ár.

Vága floghavn ætlar eisini at gera oljugoymslu og eitt pláss til flogfør at standa á.