Kunnu eisini flyta menningarkvotu millum ár

Árni Skaale, landsstýrismaður í fiskivinnumálum, hevur gjørt av, at eisini fiskifør, ið hava menningarkvotu av svartkjafti, sum er løgd um til egna árskvotu, kunnu flyta kvotu millum ár, skrivar Fiskimálaráðið. 

Hetta ber í sær, at hesi fiskifør kunnu flyta upp til 10 prosent av egnu svartkjaftakvotuni í 2022 til árið eftir, ella fiska upp til 10 prosent upp um kvotuna í 2022.

Tað, sum verður ov nógv fiskað í 2022, verður mótroknað í egnu svartkjaftakvotuni hjá skipinum í 2023.