Gongur framá hjá Bakkafrosti í Skotlandi

10.05.2022 - 08:25
AktueltVinna
Gongur framá hjá Bakkafrosti í Skotlandi
Í mars var einki óvanligt felli, og yvirskot var aftur
Gongdin hjá Bakkafrosti í Skotlandi batnaði móti ársenda, og er batnað enn meira í fyrsta ársfjórðingi í ár.
 

Nú gongur framá hjá Bakkafrosti í Skotlandi eftir óvanliga stórt felli har seinna halvár í fjør.

Tað skrivar Bakkafrost í frágreiðing sínari um fyrsta ársfjórðing í ár.

Gamaní var rakstrarhallið 53 milliónir krónur, tað var 7,3 mió. kr. í fyrsta ársfjórðingi í fjør, men tað gongur rættan veg við teimum átøkum, sum eru sett í verk. 

Gongdin batnaði móti ársenda, og er batnað enn meira í fyrsta ársfjórðingi í ár.

Í mars var einki óvanligt felli, og yvirskot var aftur.

Í mars fekk Bakkafrost nýtt skip í Skotlandi, skip hevur stóra orku til feskvatnsviðgerð. 

 

Útbyggja smoltstøð

Útbyggingin av smoltstøðini á Applecross gongur eftir ætlan. Seint í ár verður fjórða byggistig liðugt. 

Tá ber til at hava nógv størri smolt enn nú. Og nýggjar smoltstøðir skulu byggjast. 

Bakkafrost ætlar eisini at byggja framkomið virki í Skotlandi og gera íløgur í skip til viðgerð og flutning. 

Íløgur skulu eisini gerast í aliútgerð á sjónum.

Bakkafrost hevur kunngjørt, at væntaða tøkan í ár verður 68.000 tons í kruvdari vekt í Føroyum og 35.000 tons í Skotlandi.

Er kopiera
Nýggjastu sendingar í ÚV
Hósdag 9. februar
Morgunlestur hósdagur 9. februar 2023
151781
Mikudag 8. februar
LEITISSTEIN 07.02.2023
152212
Mikudag 8. februar
Dansival - Gestur er Hans Esbern Heinesen
151523
Mikudag 8. februar
Ljóarin 8. februar
152211
Mikudag 8. februar
Skratsj tann 8. februar 2023
152202
Nýggjastu sendingar í SV
Týsdag 7. februar
Jørðin II: Fjøll (2:6)
119465
Sunnudag 5. februar
Andakt við Niels Paula Nónstein
151993
Sunnudag 5. februar
Møti umborð á Bakkafossi
151995
Leygardag 4. februar
Ítróttafagnaðurin 2022
151988
Hósdag 2. februar
Foytar greyðir (2:3)
151840