Dagbøtur fyri blúnisbrot

Í síðstu viku dømdi Føroya rættur ein mann miðskeiðis í sekstiárunum seks dagbøtur, sum eru 500 krónur hvør, fyri blúnisbrot.

Maðurin var ákærdur og dømdur fyri at senda einari kvinnu eina mynd av kynsgøgnunum hjá sær.

Tað er, sambært revsilógini, revsivert, um tann, sum fær myndina, ikki hevur biðið um hana.

Maðurin játtaði seg sekan og tók við dóminum.

Dagbøtur eru vanliga revsingin fyri revsilógarbrot sum hetta.