Kunnu bara revsa Russland á yvirtiknum málsøkjum

Føroyar kunnu bara revsa Russland við tiltøkum, sum eru á yvirtiknum málsøkjum.

Fíggjargeirin er til dømis ikki yvirtikin, og er tí danskur.

Føroyar kunnu tí ikki av sínum eintingum koma við revsitiltøkum í fíggjargeiranum.

Hetta sigur danska uttanríkisráðið í brævi til føroyska uttanríkismálaráðið í sambandi við lógina um tiltøk móti Russlandi. Tey revsitiltøk, sum Føroyar ætla at gera, kunnu tí bara fevna um yvirtikin málsøki.

Dual-use vørur

Danmark umsitur millum annað sonevndar dual-use vørur.

Tað eru vørur, sum kunnu brúkast bæði sivilt og av hervaldinum.

Tá slíkar vørur skulu útflytast, krevst loyvi frá danska vinnustýrinum, Erhvervsstyrelsen.

Í brævinum verður sagt frá ríkisløgregluni, sum spurdi politiið í Føroyum, at ikki er óhugsandi, at stongsilin hjá Føroyum móti Russlandi verður brotin.

Slíkt krevur kanningararbeiði, sum eisini krevur orku hjá føroyska politinum.