Pólland lovar at verja Finnland og Svøríki

Pólland fer veita Svøríki og Finnlandi trygd, verða londini álopin, áðrenn tey hava fingið limaskap í NATO.

Tað sigur pólski forsætisráðharrin, Mateusz Morawiecki.

- Eg meti limaskapin hjá Svøríki og Finnlandi í NATO vera eitt týðandi stig at økja trygdina í Evropa, sigur Morawiecki í dag við Reuters.

Fleiri lond vilja hjálpa

Svøríki og Finnland sendu sínar formligu limaumbønir til NATO í gjár, og fleiri lond hava seinastu dagarnar lovað báðum londunum at koma til hjálpar, verða tey álopin, áðrenn limaskapurin er avgreiddur.

Millum londini eru Bretland og norðurlondini í NATO, Ísland, Danmark og Noreg.

Turkaland vil ikki treytaleyst geva Finnlandi og Svøríki limaskap i NATO, og tað er ein meinbogi fyri tilgongdina at fáa limaskap.

Og hóast Jens Stoltenberg, aðalskrivari í NATO, vil hava limaskapin avgreiddan skjótt, so má ivin hjá Turkalandi takast í álvara, segði hann á tíðindafundi í Keypmannahavn seinnapartin.

Svøríki og Finnland søgdu bæði fyrr í vikuni, at tey vónaðu at limaskapurin kann verða avgreiddur eftir einum ári, men á tíðindafundinum í dag kom fram, at Jens Stoltenberg vil at tað skal ganga munandi skjótari: