Átti at fáa løn sum leiðari

Fíggjarmálaráðið skal viðurkenna, at ein leiðandi sjúkrarøktarfrøðingur, sum arbeiddi hjá Heilbrigdi, átti at fáa løn sum leiðari.

Tað sigur Fasti gerðarrættur.

Hon eigur tí at fáa munin millum lønina, sum hon fekk, og leiðaralønina, sigur Gerðarrætturin.

Føroya rættur vísti málinum frá sær

Málið fór fyrst í Føroya rætt, men hann vísti tí frá sær, tí hetta er eitt tulkingarmál, tað er, hvussu semjan frá 2018 millum felagið og ráðið skal tulkast, segði rætturin.

Málið kom í Fasta gerðarrættin 4.juni í fjør. 

Fasti gerðarrættur avgjørdi eisini, at hvør partur, tað eru Felagið føroyskir sjukrarøktarfrøðingar og Fíggjarmálaráðið, skal bera sín kostnað.