Breddin: Fangi hjá Islamskum stati í 398 dagar

Í apríl vóru El Shafee Elsheik og Alexanda Kotey, limir í Islamskum stati, dømdir lívlangt fongsul fyri at fremja yvirgang og pína og avrætta gíslar í Sýria.

Talan er um søguligar og týdningarmiklar dómar, tí teir vóru dømdir í USA fyri yvirgang í Sýria, har flestu av yvirlivandi ofrum teirra ikki høvdu sæð andlitini á gíslatakarunum, sum høvdu havt samband við teir. 

Ein av fangunum, sum Kotey og Elsheik høvdu undir hond, var danski myndajournalisturin, Daniel Rye. Hann kom úr Sýria heimaftur til Danmarkar á lívi, eftir at hava sitið 398 dagar sum gísli hjá Islamskum stati.

Daniel Rye er gestur í Breddanum í dag, og hann greiðir frá upplivingunum sínum sum fangi og gísli hjá Islamskum stati.

Breddin í útvarpinum klokkan 10.